Бүгүн 2-октябрда Нарын облусунун Кочкор районунда, кыргыз тарыхында атактуу орду бар, Ормон Хан Ниязбек уулунун 230 жылдыгы белгиленүүдө. Анын алкагында бир топ иш чаралар мерчемделген. Нарын облустук “Тенир Тоо” өнүктүрүү фондунан 7 млн сом бөлүнүп Ормон Ханга эстелик тургузулду. Кочкор районунун Семиз-Бел айылында 1 гектар жер трансформациядан өтүп, Ормон Хан ордосу курулду. Эстелик ошол жерге орнотулган. Аны ачууга өлкөбүздүн президенти Садыр Жапаров катышты. Ошол эле ордого Кыргыз Республикасынын туусу орнотулду.
