Бүгүн, 9-январга карата Бишкек-Нарын-Торугарт унаа жолундагы Долон, Кызыл-Бел, Ак-Бейит, Түз-Бел жана Арка ашууларында күзөт уюштурулуп, жол тейлөө ишканасынын жумушчулары тазалоо иштерин алып барууда.
Маалыматка караганда, Долон, Кызыл-Бел ашуусунда №41 жол тейлөө ишканасынын 13 жумушчусу жана 4 атайын техникасы иш жүргүзүүдө. Ал эми Ак-Бейит, Түз-Бел жана Аркада №957 жол тейлөө мекемесинин 9 жумушчусу жана 4 атайын техникасы иштеп жатат.
Жол каттамын бөгөттөгөн эч кандай тоскоолдуктар жок. Транспорт үзгүлтүксүз жүрүүдө.
