Нарын облусунда бүгүнкү күнгө карата 17 мектептин жана 40 бала бакчанын директорлук орундары бош турат.
Нарын облустук усулдук билим берүү борборунун директорунун орун басары Сейтек Кошалиев маалымдагандай, Ат-Башы районунда 1, Жумгал районунда 5, Кочкор районунда 7, Нарын районунда 4 мектептин директорлук бош орундарына кайра сынак өткөрүлөт.
Ал эми Ак-Талаа районунда 7, Ат- Башыда 6, Жумгалда 7, Кочкор районунда 7, Нарын районунда 12, Нарын шаарында 1, жалпы 40 бала бакчанын директорлук орундары бош. Буга чейин өткөн сынакта 19 талапкер жетиштүү упай топтоп, бакча башчылыгына дайындалган.
