Кыргызстанда фейк жаңылыктар тууралуу түрк стилинде тамашалуу сериал тартылып баштады. Тасма Германиянын Экономикалык кызматташтык жана өнүктүрүү боюнча федералдык министрлигинин жана DW Akademie Europe жана Борбордук Азиянын каржылык колдоосунда “Медиа Сабак” коомдук фонду тарабынан тартылууда.
“Медиа Сабак” коомдук фондунун программа боюнча адиси Кундуз Жекшен кызынын айтымында, сериал жалпы 17 бөлүмдөн турат.
Долбоорго кыргызстандык белгилүү инфлюзерлер катышат. Белгилүү “Жарайт сити” жана “Эл эмне дейт?” долбоорунун актирисасы Айпери Чотонова менен Чыңгыз Султанов биринчи эпизодго тартылышкан.
