Атайын кызмат «бийликти күч менен басып алууга аракет кылган” деп шектелип, издөөдө жүргөн ишкер Панфилов районунун Кайыңды айлында кармалганын кабарлады. Учурда тергөө жүрүп жатат. 10-январда УКМК “KG Group” курулуш компаниясынын жетекчиси Ташовго Кылмыш-жаза кодексинин “Бийликти күч менен басып алуу” беренеси менен кылмыш иши козголуп, издөө жарыяланганын билдирген. Андан тышкары ишкерге алдамчылык боюнча 16 иш тергелип жатканын кошумчалаган.
