Нарын облусунун аймагында жаңы жылдык майрам тынч өттү. Бул үчүн Нарын облустук ички иштер башкармалыгынын, райондук шаардык бөлүмдөрдүн өздүк курамы күчөтүлгөн тартипте кызматта болушту. Коомдук коопсуздукту сактоого облус боюнча 500гө жакын милиция кызматкерлери тартылып, аларга элдик кошуундар жардамдашты.
Нарын ОИИБнын маалыматына караганда, ички иштер органдарынын кызматкерлери майрамдык иш-чаралар өтүп жаткан жайларда жана эл көп чогулган аймактарда тартипти көзөмөлдөөнү камсыз кылды. Ага карабастан облус аймагында 32 материал катталып, анын ичинен оор жана өзгөчө оор кылмыштар катталган жок, азыркы учурда абал туруктуу.
Тартип сакчылары 2-январга чейин күчөтүлгөн кызматта болушат.
