Өткөн жылы Нарын облустук ички иштер башкармалыгы тарабынан, өзгөчө оор жана оор кылмыштын бетин ачууга, коомдук коопсуздукту сактоого салым кошкон кызматкерлерди шыктандыруу максатында “Кесиби боюнча мыкты” сынагы жарыяланган.
Анын жыйынтыгы чыгарылып, өз жумушунда алгылыктуу көрсөткүчтү жаратып, мыкты деп табылган 12 милиция кызматкеринин ар бири Ички иштер министрлиги даярдаган Туркияга эс алуу үчүн эки кишилик жолдомолорго ээ болушту.
Жолдомону министрдин биринчи орун басары Адылбек Бийбосунов тапшырды. Ошондой эле кесиптик ишмердүүлүгүндө өзгөчөлөнгөн дагы бир нече тартип сакчыларына жана мыкты көрсөткүчтөргө жетишкен ички иштер бөлүмдөрү дипломдор менен сыйланышты.
