Кыргызстан мусулмандарынын дин башкармалыгы 2023-жылдагы фитир-садака берүүнүн өлчөмүн бекитти. Бул тууралуу мекеменин басма сөз кызматынын билдиришти.
“Баалардын туруксуздугуна байланыштуу садака-фитирди берген учурда 1 кг 600 грамм (буудай, ун, мейиз) же 3 кг 200 грамм (арпа, курма) баасына көңүл буруу керектигин эскертет”,- деп айтылат маалыматта.
Маалыматка ылайык, фитир-садака берүүчү адам жогоруда көрсөтүлгөн баалардын кайсынысынан чыгарса өз ыктыяры.
Быйыл Орозо айы 23-мартта башталып, 20-апрелде аяктайт.
2020-жылы Кыргызстан мусулмандарынын дин башкармалыгы фитир-садаканы берүүнүн электрондук системасын иштеп чыккан.
