Кыргызстанда үстүбүздөгү жылдын биринчи аптасында курч респиратордук вирустук инфекциянын (КРВИ) 4 миң 245 жана сасык тумоонун 16 учуру катталды. Бул тууралуу “Биринчи радионун” түз эфиринде саламаттык сактоо министринин орун басары Бүбүжан Арыкбаева билдирди.
Анын айтымында, бул өткөн аптага салыштырмалуу 1,9%га аз.
“Бирок оору республикалык орточо эсептен эки эсе көп болуп жатат. Сасык тумоонун жана КРВИнин төмөнкү температуралык шарттарына туруктуулугун эске алуу менен калк арасында ооруга күн сайын мониторинг жүргүзүү улантылууда”, – деди ал.
