Жол чарба департаментинин Нарын облустук аймактык бөлүмүнөн билдиришкендей, облус аймагындагы унаа жолдор жолчулардын көзөмөлүндө.
Маалыматка караганда Бишкек-Нарын-Торугарт унаа жолунун ашуу белдеринде, Долондо 3-4см, Оттук капчыгайында 10 см кар түштү. Таң эрте автогрейдер менен карды кырып тазалоо жүрүп жатат.
Бөлүмдүн башкы адиси Нурбек Кубанычбек уулу Кызыл-Бел, Ак-Бейит,Түз-Бел,Торугарт ашуулардында 3-4 см кар жааганын жана тайгак участкаларына кум шагыл аралашмасы чачылып, жол тейлөө ишканаларында кезмет уюштурулганын билдирди.
Ошондой эле, ал Долон, Кызыл-Бел ашуулардында оор жүк ташуучу унаалар дөңгөлөгүнө чынжырча жок чыгып тайгаланып, унаа тыгындарын жатартып жатканын кошумчалады.
