Өзүн “жаңы Кудай” деп атаган, Нарын облусунун Ат-Башы районунда туулган Арстанбек Абдылдаев УКМК СИЗО сунан табылды. УКМК нын маалымат кызматы 15-декабрда билдиргендей ал КЖК нин 330 беренесинин 1- бөлүмү (диний кастыкты козуткан) менен козголгон кылмыш ишинин алкагында кармалган. Ал эми анын туугандары ушул жылдын 14-декабрында ал үйүнөн чыгып кеткен боюнча белгисиз экендигин билдиришип, жашаган дареги боюнча Бишкек шаардык милициясына арыз менен кайрылышкан.
