Ала-Буга айыл аймагына 1 млн 262 миң сомго сафлор өсүмдүгүнөн май сыгуучу жана чыпкоолочу жабдык алынды.
Айыл өкмөтүнүн башчысы Улукбек Нуралиевдин айтымында, станок айыл өкмөттүн алдындагы муниципалдык ишканага өткөрүлүп берилет.
“Жылдан жылга дыйкандардын сафлорго кызыгуусу артып, сафлор айдап башташты. Бирок, сафлорду айдаган менен, аны иштетүүчү ишкана болбогондуктан дыйкандарга кыйынчылык туудурган. Аларга шарт түзүп берүү максатында сафлорду кайра иштетүүчү цех ачууну максат кылып, жабдык алдыртык. Бул жабдык айыл өкмөттүн алдындагы муниципиалдык ишкананын карамагына өткөрүлүп берилет. Ошолор иштетет. Жакында жабдыкты Чолок-Кайың айылындагы кампага орнотобуз”, – деди Улукбек Нуралиев.
