Ушул жылдын тогуз айында мал менен байланышкан 32 жол кырсыгы катталган. Акыркы бир айдын ичинде эле төрт жол кырсыгы катталып, анын кесепетинен үч адамдын өмүрү кыйылган. Мал менен байланышкан жол кырсыктардын баары кечкисин болууда.
Жол кыймылынын коопсуздугун камсыздаган кызматкерлердин айтымында, акыркы бир жума ичинде эле облус аймагында эки жол кырсыгы катталып, үч адамдын өмүрү кыйылган.
Бүгүн, 11-октябрда Нарын райондук ички иштер бөлүмүнүн жол кыймылынын коопсуздугун камсыздоо кызматкерлери менен Миң-Булак айыл өкмөтүнүн кызматкерлери жылкыларга тасмаларды тагышты. Бул түнкүсүн айдоочуга жарыкты чагылтып көргөзүп жол кырсыктарын алдын алууга көмөкчү болот.
