Стамбулда жасалма аракка ууланып 19 киши каза болду.
Маалыматка караганда, каза тапкандардын арасында чет мамлекеттердин жарандары да бар.
Укук коргоо кызматкерлери тарабынан контрабандалык алкоголь продукциясын саткан дүкөн аныкталган. Учурда соода жайы жабылып, мөөр басылган.
Белгилей кетсек, Түркиядагы туристтердин ичинен жапырт уулануу учурлары 14-январда маалымдалган. Уулануу белгилери бар 38 адамдын 26сы чет өлкөлүктөр экендиги айтылган.
Түркиялык ЖМКлар билдиргендей, жыл башынан бери шаардык ооруканаларга жасалма аракка ууланган 46 адам келип түшкөн.
