Нарын облустук Муратбек Субагожоев атындагы мектеп лицейинин 10-классыынын окуучусу Алихан Айдарбеков Венгриянын Зегед шаарында информатика боюнча болуп өткөн олимпиададан коло медаль менен кайтты. Дүйнөлүк олимпиадага 90 мамлекеттен 355 бала катышкан. Келечекте программист болууну каалаган А. Айдарбеков буга чейин Ак-Талаа районундагы Б. Каландеров атындагы мектепте окучу. Кыргыз тилинен башка англис, түрк, орус тилдеринде эркин сүйлөйт. Алиханды облус жетекчиси А. Эргешов кабыл алып, Ыраазычыл кат жана планшет менен сыйлады.
