Мындай маалыматты экинчи Элдик курултайда президент С. Жапаров билдирди. Нарын облусунан делегат болуп барган Амантур Көгөев Нарында башталып бүтпөй турган Жогорку Каскад ГЭСи жана облуска 75 орундуу оорукана керектиги боюнча маселе көтөргөн. Курултайдын экинчи күнүндө жооп берип жатып президент Садыр Жапаров ГЭС боюнча кызыкадар инвесторлор бар экенин билдирди. Аны менен катар”РусГидро” боюнча Россия жана Кыргызстан тараптан эки тараптуу иликтөө жүрүп жатканын кошумчалады. Ал эми оорукана боюнча тиешелүү министрликтер иш алып бараарын да айтып өттү
