Нарындык соодагерлер ККМ га каршылыктарын билдирүү үчүн 24-октябрда облустук аянтка чогулушту. Аларга Нарын шаарынын мэри Канболот Тутуев жана облустук салыктын жетекчиси Нурлан Абакиров жолугушту. Нааразычылыкка чыккан 100 гө чукул соодагерлер электрондук эсеа фактура киргизүүгө, ККМ аппараттарын алууга жана текшерүүлөргө терс пикирлерин билдиришип, патент системасын калтырууну сунушташты. “Патент системасын, азыркы системасын калтырсын. Бизге ошол эле ыңгайлуу болчу,” – деди акцияга чыккандардын бири Умбеталы Базаркулов.
Президенттин Нарын облусундагы өкүлү Алтынбек Эргешов нааразылыкка чыккандар менен жолугуп, алардын талаптарын укканын өкүлчүлүктүн басма сөз кызматы билдирди. Соодагерлер Министрлер кабинетине кайрылуу жолдогону белгилүү болду.
