Быйыл Жумгал району боюнча “Социалдык контрак” долбооруна 260 үй-бүлөгө квота берилип, мунун ичинен 150 үй-бүлөнүн бизнес-долбоорлору жактырылды. Булардын ичинен 50 үй-бүлөгө 100 миң сомдун сертификаттарын тапшырды.
Белгилүү болгондой, 50 үй-бүлөнүн 42си мал чарбачылыгы, 2өө тигүүчүлүк, 5өө соода кылууга жана 1 үй-бүлө чач тарач багытында ишкердүүлүк жүргүзүүнү максат кылышкан.
Маалымат үчүн белгилесек, аталган долбоор 2022-жылдан тартып ишке киргизилип, пиолттук катары Жумгал районунда башталган. Ал жакшы жыйынтык көргөзгөн соң ошол эле жылы облустун ар бир районунан 50дөн аз камсыз болгон жөлөк пул алуучу үй-бүлөлөр тандалып алынып, ар бирине кайтарымсыз 100 миң сомдон каражат берилген. Бул каражат аярлуу катмардагы үй-бүлөнүн чакан ишкерлик жасап турмуш шартын жакшыртып кетүүсүнө өбөлгө болууда.
