Жумгал районунда өскөн жапайы 4 тонна 700 килограммдай кара куурай өрттөлүп жок кылынды. Бул тууралуу Нарын ОИИБнын маалымат катчысы Кундуз Эсенгулова билдрди.
Анын айтуусунда, өлкө боюнча жүрүп жаткан “МАК-2024” алкагында баңги заттарды мыйзамсыз сактоого, жүгүртүүгө жана таратууга каршы күрөшүү максатында аталган райондо өскөн жапайы кара куурайлар өрттөлдү.
Мындан тышкары Кабак жана Миң-Куш айылдарына атайын посттор коюлуп, район аймагына келген автоунаалар текшерилди.
