Жумгал районунда дайынсыз болуп жаткан ата-баланы издөө уланууда. Бүгүн, 6-ноябрда жалпы 14 адам издөөгө чыкты. Бул тууралуу ӨКМдин маалымат кызматы билдирди.
Маалыматка караганда райондук №43 өзгөчө кырдаалдар бөлүмүнөн 7 куткаруучу, райондук ички иштер бөлүмүнөн 1 кызматкер, жергиликтүү тургундардан 6 адам тартылды.
Маалымат үчүн белгилесек, мал кайтаруу үчүн жайлоого кеткен ата-бала 16-октябрдан бери дайынсыз болууда. Издөө иштеринен натыйжа боло элек.
