Нарын райондор аралык мамлекеттик санепид көзөмөлдөө борборунун врач-иммунологу Гүлай Дуулатованын маалыматына караганда, өткөн жылдын тогуз айында облус боюнча кызамык оорусунун 12 учуру катталса, быйыл 9 айда 177 учур катталып өсүш берген. Буга байланыштуу Саламаттыкты сактоо министрлигинин буйругу чыгып кызамык жана кызылча ооруларына каршы эмдөө компаниясы жүргөн. Анын натыйжасында октябрь айында оорунун бир учуру катталган.
21-октябрдан 4-ноябрга чейин аталган ооруларга каршы тазалоочу эмдөө өнөктүгү башталды.
“Буга чейин 40 миң 50 доза вакцина бөлүнүп, 9 айдан 7 жашка чейинки балдардын саны такталып, максаттуу топко кирген 26 миң 340 баланын 21 миң 609у эмделген. Эми тазалоочу эмдөө өнөктүгүндө максаттуу топко киргип эмделбей калган 9 айдан баштап 7 жашке чейинки балдар, медициналык кызматкерлер, жогорку жана орто окуу жайлардын мугалимдери, студенттерине эмдөө жүргүзүлөт. Бул үчүн 42 миң доза вакцина келди”,-деди.
