Экосистеманы жакшыртып,биотүрдүүлүктү сактоонун аракети көрүлүп жаткан чакта броконьерлер жаратылышка аёсуз мамилесин улантышууда.
Жаратылыш ресурстары, экология жана техникалык көзөмөл министрлигинин Нарын облусундагы башкармалыгы тарабынан Соң-Көл аймагына жасалган рейд учурунда көл үстүнөн жалпы 2,5 миң метрдей тор жыйналып алынды. Ошондой эле экологдор Соң Көлдүн Акталаа тарабындагы Бычан жайлоосунан, жанында ок атуучу куралдары, кайырмак тору бар 3 адамды кармашты. Текшере келгенде ок атуучу куралдарынын уруксат кагаздары жок болуп чыкты. Тиешелүү документтер толтурулуп, Ак-Талаа райондук ички иштер бөлүмүнө өткөрүлүп берилди. Ок атуучу куралга уруксаты бар, бирок аны талаптагыдай алып жүрбөгөн дагы 2 адамга жеринде 25 миң сом айып пул салынды.
Жалпысынан Соң-Көл тарапка жүргүзүлгөн рейдде 2 протокол түзүлүп, жайылган торлордон 50 дөй балык кайра көлгө кое берилди. 14 даана огу менен 2 ок атуучу курал, 1 кайрымак тор алынды. Браконьерлер тарабынан Соң-Көлгө ташталган 2500 метр тор жок кылынды.
