Жергиликтүү кеңештерге шайлоо өткөрүү үчүн Ак-Талаа районунда 21 шайлоо тилкеси дайындалды. Аларда шайлоочулардын тизмеси илинди жана шайлоочулар өздөрүнүн аты-жөнүн, дарегин 1-ноябрга чейин такташы зарыл.
Ак-Талаа райондук аймактык шайлоо комиссиясынын төрагасы Белек Байышбековдун айтканына караганда бул шайлоодо талапкерлердин катышуусу солгун. 10-октябрга карата 26 гана талапкер шайлоого катышуу боюнча билдирүү беришти. Ал эми мандаттын саны 74.
Алсак, Ала-Буга айылдык кеңешине 5, Кара-Бүргөн айылдык кенешине 3, Баетов айылдык кеңешине 9, Тоголок Молдо айылдык кеңешине 9 талапкер документ тапшырды. Талапкерлерден документтерди кабыл алуу мөөнөтү бүтөрүнө 6 күн калды.
Ак-Талаа районунда шайлоочулардын саны 25 миң 824.
