Нарын облустук ички иштер башкармалыгынын Жол кыймылынын коопсуздугун камсыздоо (ЖККК) бөлүмүнүн кызматкерлери тарабынан мектептерде окуучулар менен жолугушуулар уюштурулуп, жолдо жүрүү эрежелери үйрөтүлүүдө.
ЖККК бөлүмүнөн билдиришкендей, алар Ак -Таала, Ат -Башы, Жумгал, Кочкор, Нарын райондорунун жана Нарын шаарындагы орто мектептерде болушуп окуучуларга жолдо жүрүүнүн эрежелери үйрөтүлүп, дарстар окулуп, аңгемелешүү өткөрүшкөн. Негизги максат- өспүрүмдөр арасында жол кырсыктарын алдын алуу жана болтурбоо. Жолугушуулар 1-класстан 7-класска чейинки окуучулар арасында өткөрүлгөн.
