25-сентябрда Нарын облусундагы салык органдарындагы коррупция аныкталды деп билдирди УКМК нын басма сөз кызматы. Кыргыз Республикасынын мамлекеттик салык кызматынын Нарын облусу боюнча башкармалыгынын эки салык кызматкери кармалды. Алар Нарын шаарындагы күйүүчү-майлоочу май саткан жеке ишкерлерге мыйзамсыз жеңилдиктерди беришкен деп айыпталышууда. Анын кесепетинен мамлекетке 9 млн 134 миң сомдук зыян келтирилген. Кармалган шектуулөрдүн бири Нарын шаары боюнча башкармалыктын салык көзөмөлү жана карыздарды өндүрүү бөлүмүнүн башчысы М.М.Э жана бөлүмдүн инспектору М. Ж. М.
