Нарын шаарында быйыл Нооруз майрамы өлкө жетекчилигинин катышуусунда республикалык денгээлде өзгөчө белгиленет. Учурда ага карата кызуу даярдык көрүлүп, мамлекет тарабынан ар тараптуу колдоолор көрсөтүлүүдө.
Алсак, калаабыздын борбордук бөлүгүндөгү имараттарда ондоп-түзөөлөр, парктарда, көчөлөрдө жарыктандыруу иштери жасалды. Атайын техникалар алынып келинди.
Маданий иш-чаралар Маданият, маалымат жана жаштар саясаты министрлиги тарабынан уюштурулуп, Нооруздун театралдаштырылган оюн-зоок программасына 500дөй маданият кызматкери даярданышууда.
Ошондой эле калаанын борбордук аянтына жети боз үй тигилип, боз үйлөр, улуттук тамак-аштар, көл өнөрчүлөрдүн сынактары өтөт. Бул үчүн мамлекет тарабынан 700 миң сомдук акчалай байгелер коюлууда. Мындан тышкары сүмөлөк даярдоо боюнча сынакка демөөрчүлөр тарабынан байгелер ыйгарылат. Салтанатка келген конокторго кыргыздын каада-салттары көрсөтүлүп, эл арасында улуттук спорттук оюндар өткөрүлөт. Кыргыз эстрадасынын белгилүү ырчыларынын күндүзгү концерттик программасы тартууланып, кечкисин гала- концерт жана фейерверк менен жыйыныкталат.
