Чет-Нура айыл өкмөтүнө караштуу Ак-Булуң айылынын кулуну, жеке ишкер Рысбек Шокенов балдардын мектепке коопсуз барып келүүсү үчүн 810 миң сомго кичи автобус алып берди.
Бул айылда жашаган жогорку класстын 33 окуучусу коңшулаш Ийри-Суу айылындагы М.Байдөөлөтов атындагы мектепке жөө барып-келип окушат. Айыл аралыгы 3 чакырым алыс болгондуктан, мектеп окуучуларына кышкысын жана жаз-күз мезгилиндеги жаан-чачында кооптуу болгондуктан транспорт каттамы зарыл болуп келген. Окуучулардын бул көйгөйү чечилип, 2024-2025-жаңы окуу жылында кичи автобус менен барып-келүүгө мүмкүнчүлүк түзүлдү.
