Калктын аярлуу катмарын жана аз камсыз болгон үй-бүлөлөрдү колдоо менен жашоосун жакшыртуу максатында Миң-Булак айыл аймагындагы муундар аралык “Элден элге ” акциясы уланууда. Бул жолу 1979-жылы төрөлгөн айыл тургундары дагы бир үй-бүлөгө музоолуу уй алып беришти. Кезек 1977-жылы төрөлгөндөргө өткөрүлүп берилди.
Айыл өкмөттөн билдиришкендей, өткөн жылы айыл өкмөт башчы тарабынан демилгеленген бул акция элеттиктер тарабынан колдоого алынып, буга чейин 14 үй-бүлөгө трт түлүк мал алынып берилген.
Маалымат үчүн белгилесек, Миң-Булак айыл өкмөтүнө караштуу сегиз айылда аз камсыз катары 239 үй-бүлө каттоодо турат. Булардын ичинен 54ү “Социалдык контракт” долбоору менен келишим түзүшкөн.
