Нарын районунда 10 миң 242 түтүн аз камсыз, жардамга муктаж үй-бүлө бар. Алар үчүн айыл өкмөттөр күз-кыш мезгилине көмүр отунун жеткирип берет. Бүгүнкү күнгө карата Жан-Булак жана Миң-Булак айыл өкмөттөрүндөгү үй-бүлөлөргө 50 тонна көмүр таратылып берилди.
Маалымат үчүн айтсак, быйылкы күз-кыш мезгилине районго жалпы 17 миң 359 тонна кара алтын керектелет. Мунун ичинен 13 миң 300 тонна элдин керектөөсү. Ал эми бюджеттик мекемелерге керектеле турган 4 миң 66 тонна көмүрдүн 97 пайызы тартылып бүттү.
