Нарын району боюнча айыл тургундары тарабынан мыйзамсыз колдонууда жүргөн 166,2 гектар жер айыл өкмөттөр тарабынан такталган. Бул тууралуу Нарын райондук мамлекеттик администрациясынын экономиканы өнүктүрүү бөлүмүнүн башкы адиси Салтанат Белекова билдирди.
Анын айтуусунда, Чет-Нура айыл өкмөтүнөн 13 гектар, Эмгек-Талаа айыл аймагынан 9 гектар, Дөбөлү айыл аймагынан 7,80 гектар, Жан-Булак айыл аймагынан 30 гектар, Учкун айыл аймагынан 73,7 гектар, Жерге-Тал айыл аймагынан 30,70 гектар, Миң-Булак айыл аймагынан 2 гектар жер айыл тургундары тарабынан ашык пайдаланылып жүргөнү аныкталып, айыл өкмөттөрүнө кайтарылган.
Бул жумуштар Президентинин “Жерлерди өзүм билемдик менен мыйзамсыз ээлеп алуу фактыларын алдын алуу жана болтурбоо боюнча чаралар жөнүндөгү” Жарлыгынын алкагында ишке ашырылууда.
