Кыргызстандагы бардык орто мектептерде милдеттүү түрдө кыргыз тили сабагынан жазуу жана оозеки түрүндө класстан класска көчүрүү экзамени киргизилет.
Биилим берүү жана илим министрлигинин маалыматына ылайык, 2024-2025-окуу жылынын жыйынтыгы боюнча менчигинин түрүнө жана окутуу тилине карабастан өлкөдөгү бардык мектептердин 5-6-класстарынын окуучулары, ал эми 2025-2026-окуу жылынан тартып 7, 8 жана 10-класстарынын окуучулары кыргыз тили сабагынан жазуу жана оозеки жүзүндөгү көчүрүү экзамендерин тапшырышат.
Экзамендерди министрликке караштуу Билим берүүнүн сапатын өнүктүрүү департаменти өткөрөт.
