Борбордук шайлоо комиссиясынын маалымат кызматы билдиргендей, БШК бүгүн 12-ноябрда 170 эл аралык байкоочуга аккреддитация берди. Алар 30-ноябрда өлкөбүздө өтө туруучу КР Жогорку Кеңешине мөөнөтүнөн мурда боло турган депутаттык шайлоого байкоо салышат. Борбордук шайлоо комиссиясынын токтомуна ылайык, эл аралык байкоочу катары төмөнкү уюмдардын өкүлдөрү аккредитацияланды:
Болгариянын Борбордук шайлоо комиссиясы;
Россиянын Борбордук шайлоо комиссиясы;
Беларус Республикасынын Борбордук шайлоо комиссиясы;
Египеттин Улуттук шайлоо комиссиясы;
Ислам кызматташтык уюму;
Кытай Эл Республикасынын Элчилиги;
Америка Кошмо Штаттарынын Элчилиги;
Япониянын Элчилиги;
Венгриянын Элчилиги;
Улуу Британиянын Элчилиги;
Европа коопсуздук жана кызматташтык уюмунун (ЕККУ) Демократиялык институттар жана адам укуктары боюнча бюросу;
Көз карандысыз Мамлекеттер Шериктештигинин (КМШ) байкоочулар миссиясы;
Түрк тилдүү мамлекеттердин парламенттик ассамблеясы;
Европа коопсуздук жана кызматташтык уюмунун парламенттик ассамблеясы;
Көз карандысыз Мамлекеттер Шериктештигинин Межпарламенттик ассамблеясы;
Коллективдүү коопсуздук келишим уюмунун (КККУ) парламенттик ассамблеясы.
Учурда Жогорку Кеңештин мөөнөтүнөн мурда шайлоосуна жалпысынан 297 эл аралык байкоочу аккредитацияланды.
