Перс булуңунан эвакуацияланган кыргызстандыктар түшкөн учак 5-мартта саат сегизде “Манас” аэропортуна келет. Омандан келүүчү биринчи каттам 180 адамды алып келет. Бул тууралуу “Кыргызстан аэропорттору” мамлекеттик ишканасы маалымдады. Каттамды “Аэрономад” компаниясы жүргүзөт. Президент Садыр Жапаров 3-мартта Жакынкы Чыгыш өлкөлөрүндө жүргөн кыргызстандыктарды эвакуациялоо иштери жүрүп жатканын, Оман мамлекети менен макулдашып, эки учак менен 300 киши алынып келинерин билдирген.
